Dos muyeres muerren nun accidente na Avenida Gaspar García Laviana, en Xixón

Europa Press Asturias
Actualizado: lunes, 8 marzo 2010 20:30
Seguir en

UVIÉU, 08 de Marzu (EUROPA PRESS)

Dos muyeres d'edá avanzada morrieron güei al arrollales una furgoneta qu'invadió la cera pasaes les 17.30 hores na Avenida Gaspar García Laviana, de Xixón. Según confirmaron fontes de la Policía Local, una tercera muyer de mediana edá resultó firida y treslladada a un centru hospitalariu, en recibiendo una primer atención nel llugar de los fechos.

Testigos presenciales indicaron a Europa Press que l'accidente tuvo llugar nes proximidaes de les cais Andalucía y Cataluña, a metá de l'avenida. Aseguraron amás que nel accidente viéronse implicaos dellos vehículos.

Axentes de la Policía Local siguen investigando nestos momentos les causes que llevaron a la furgoneta a salir de la vía y invadir la cera, per onde nesi momentu transitaben les víctimes.

Contenido patrocinado