UVIÉU, 23 May. (EUROPA PRESS) -
El secretariu xeneral de Foro Asturies y diputáu del Grupu Mistu, Adrián Pumares, criticó esti vienres la "pasividá" del Gobiernu del Principáu d'Asturies énte la vienta de llagares tradicionales de sidra, dalgunos con más d'un sieglu d'hestoria.
Pumares esplicó que tán vendiendose en plataformes de vienta online y apurrió captures de los llagares y los precios. Coonsidera que ye una perda "irreparable" pa la identidá cultural asturiana, la so hestoria y la so economía. "Munchos van acabar decorando establecimientos hosteleros del País Vascu", alvirtió.
El dirixente de Foro Asturies reprochó al gobiernu d'Adrián Barbón que la reconocencia de la cultura sidrera asturiana como patrimoniu universal inmaterial per parte de la Unesco nun sirviera pa poner en marcha midíes de sofitu al sector.
Pumares propunxo énte esta situación una batería de midíes pa revertir la situación qu'inclúi la creación d'un rexistru públicu de llagares tradicionales; ayudes económiques directes pal so caltenimientu y modernización; la tramitación pa declarar los llagares centenarios y la so actividá como Bien d'Interés Cultural; y midíes fiscales qu'incentiven el so caltenimientu y tresmisión xeneracional.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
