El Gobiernu yá estudia impulsar una llei pa la reconocencia y regulación del día de la bandera

   UVIÉU, 26 May. (EUROPA PRESS) -

   El Conseyu de Gobiernu d'Asturies deliberó esti llunes sobro la propuesta anunciada ayeri pol presidente, Adrián Barbón, pa regular el 25 de mayu como Día de la Bandera. Nesi contestu, el Conseyu de Gobiernu pretende encetar la declaración de cuatro xornaes dedicaes a la bandera, les instituciones asturianes, el municipalismo y la memoria de les víctimes de la covid.

   Según informó en posterior rueda de prensa'l conseyeru de Facienda, Xusticia y Asuntos Europeos y voceru del Gobiern o, Guillermo Martínez, trataríase de les siguientes feches: el 31 de xineru sería'l Día de les Instituciones Asturianes, coincidiendo cola fecha d'entrada a valir del Estatutu d'Autonomía, el 31 de xineru de 1982.

   "Queremos qu'esti día de les instituciones propies del Principáu d'Asturies sirva pa reconocer les instituciones propies de la comunidá autónoma. Queremos da-y un enfoque principalmente docente, informativu, que sirva tamién pa que los colexos y los institutos, nos díes cercanos a esa fecha, puedan conocer y estudiar les instituciones propies del Principáu d'Asturies. Y tamién tamos valorando'l fechu de qu'esi mesmu día tean abiertes toles instituciones del Principáu d'Asturies al públicu, unes xornaes de puertes abiertes", indicó'l conseyeru.

El 11 de marzu, Día de la Memoria de les Víctimes de la Covid. El 11 de marzu de 2020 finó'l salesianu Avelino Uña, primer víctima de la pandemia n'Asturies.

   El 3 d'abril celebraríase'l Día del Municipalismo Asturianu. Recuerda l'Executivu qu'el 3 d'abril de 1979 tuvieron llugar les primeres elecciones municipales democrátiques n'España, tres la dictadura franquista. "Ye una demanda de los exalcaldes la reconocencia d'esti día", dixo Pelaéz.

   El 25 de mayu'l Día de la Bandera d'Asturies. Esa fecha en 1808 el pueblu asturianu declaró la guerra a Napoleón pola invasión francesa d'España. Naquella fecha ponse en marcha la revolución política más significativa de la comunidá. Como anunció ayeri'l presidente, la so intención ye impulsar una llei pa la reconocencia y regulación d'esti día", dixo'l conseyeru.

   D'últimes el 8 de setiembre. Un decretu del Conseyu Rexonal d'Asturies instituyó en 1980 el 8 de setiembre como Día d'Asturies, que pasó a establecese como una xornada festiva na comunidá pola Llei 5/1984, de 28 de xunu.