Grupo Cuevas y El Arco algamen un alcuerdu pa la compraventa d'una trentena de tiendes

UVIÉU 6 Mar. (EUROPA PRESS) -

Grupo Cuevas y Grupo El Arco firmaron un alcuerdu marcu pa l'alquisición de cuasi una trentena de tiendes y dos de les plataformes de la empresa asturiana.

La operación de compraventa que dambos grupos perfilaron materializóse cola finalización del procesu de reestructuración financiera que tuvo faciendo El Arco nos últimos meses, indicaron dende la empresa al traviés de nota de prensa.

Nesti contestu, El Arco va siguir xestionando'l total de la estructura de la compañía mentes que Grupo Cuevas va actuar de suministrador de tolos productos necesarios pal desarrollu de l'actividá comercial tanto de los 17 establecimientos El Economato existentes na actualidá como de les 12 tiendes ArcoPlaza qu'entraríen nel perímetru d'actuación.

Dambos distribuidores d'alimentación convinieron tamién que, dientro de la operación, s'incluiríen les plataformes lloxístiques que Grupu El Arco tien en Mercasturias, dedicada a la distribución de fruta y pexe, y la plataforma de charcutería de La Felguera.

Tamién se recueye nesta firma inicial, que la distribución de tolos productos d'alimentación envasaos va realizase dende la plataforma que Grupo Cuevas tien en Roces (Xixón) y que yá ta dando serviciu a otros puntos de venta n'Asturies de la insinia Cuevas Cash.