UVIÉU, 7 de Payares (EUROPA PRESS)
Grupu Trabanco mercó la mayor pomarada de sidra d'Asturies, una finca ubicada en Mieres con una superficie total de 39 hectárees y con 17 variedaes de mazana adscrites al certificáu de calidá Sidra de Mazana Escoyida.
Con esta compra, realizada al traviés d'un contratu d'alquiler de llarga duración, Trabanco promueve la so apuesta pola producción autóctona y consolídase como'l llagar d'Asturies con mayor superficie destinada a la plantación de mazana de sidra, informó'l grupu esti llunes.
D'esta manera, va contar con 110 hectárees que, en plena producción, van poder algamar un rendimientu añal de 2,5 millones de quilos de mazana de sidra.
Nesta collecha prevé un rindimientu de 450.000 quilos y va elevase hasta algamar nel 2013 una producción total de 800.000 quilos.
"Mercar la mayor pumarada d'Asturies y en producción ye un importante pasu na implicación de Trabanco na modernización y la meyora del sector. La nuesa preocupación, como llagar de sidra, nun ye namás ellaborar un productu final de calidá, sinón promover la espansión de la producción de mazana de sidra equí, n'Asturies", esplicó'l xerente del grupu, Samuel Trabanco.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
