UVIÉU, 28 de Setiembre (EUROPA PRESS)
La investigadora Pilar Calvo Holgado (Asturies, 1964), resultó la persona más votada y valorada nes primaries d'EQUO Asturies que remataron la pasada nueche tres cuatro díes de votaciones, según informó nueva formación política.
Pilar Calvo ye Psicóloga, trabaya n'I+D dende hai 15 años, los mesmos que lleva siendo miembru de Greenpeace. Trabayó como Técnicu d'Empléu y en Programes d'Igualdá d'Oportunidaes. Formadora en contestos universitarios y empresariales, participa asiduamente en foros científicos. Motíva-y contribuyir per mediu del desarrollu científicu a una mayor calidá de vida pa toos.
Ye madre de dos neños y representa a les families na comunidá educativa del colexu al qu'asisten, collaborando pa que la educación promueva mayor reflexón y conciencia crítica nos que van heredar esti planeta y espera faigan del mesmu un llugar de convivencia, diversidá y equidá.
"Merecemos un proyectu políticu distintu y ilusionante. Ofrezo tiempu y trabayu al serviciu de toos aquellos que deseeen qu'una nueva política ecosocial marque presente y futuru", comenta la candidata nun comunicáu de la so formación.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
