IU - MÁS PAÍS - IAS - Archivo
XIXÓN, 27 Ene. (EUROPA PRESS) -
El conceyal del Grupu Municipal d'Izquierda Xunida (IX) en Xixón, Alejandro Farpón, va llevar un ruegu a la próxima Comisión de Cultura pa que'l Gobiernu municipal empecipie'l procesu de cambéu del Plan de Normalización Llingüística del Conceyu.
Según una nota de prensa d'IX, el Plan foi anuláu pol Tribunal Cimeru de Xusticia d'Asturies (TSXA) en septiembre del 2025, arriendes d'una denuncia formulada por Vox.
Farpón, a esti respectu, consideró que pasó un tiempu más que prudencial pa empezar a trabayar nos cambeos que precise'l Plan de Normalización, convocar al Conseyu Asesor de la Llingua y buscar fórmules que blinden el respaldu al usu y promoción del asturianu nel nuestru conceyu frente a los ataques de la ultraderecha.
Nesti sentíu, animó a que los grupos políticos, xuntu coles entidaes culturales y sociales que conformen el Conseyu Asesor de la Llingua, revisen el citáu Plan de cara a reforzar con garantíes l'impulsu a les polítiques de promoción llingüística.
Al tiempu, amosó'l so deséu a que tanto la Conceyalía de Cultura como ForO tean al altor de les circunstancies pa poder cuntar nesti mandatu con un nuevu Plan de Normalización Llingüística a valir.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
