Jimmy Carter diz que Hamas aceptaba un alcuerdu de paz negociáu por Abbas si fuera apoyáu nun referendu

Reuters

XERUSALÉN, 21 d'Abril (Reuters/EP)

L'ex presidente estaounidense Jimmy Carter, indicó güei que los dirixentes de Hamas ficiéron-y saber que taríen dispuestos a aceptar un alcuerdu de paz negociáu pol so rival, el presidente Mahmud Abbas, siempre y cuando dichu alcuerdu fuera apoyáu polos palestinos nun referendu.

"Dicen qu'aceptaríen un estáu palestín coles fronteres de 1967 si fuera aprobáu polos palestinos, anque Hamas pudiera non tar d'alcuerdu con dalgunos de los términos del mesmu", indicó Carter nun discursu, tres los contactos calteníos en Siri y Exipto con dirixentes de Hamas, incluyíu'l so cabezaleru nel exiliu, Jaled Meshal.

"Esto significa que Hamas nun va torgar los esfuerzos d'Abbas de negociar un alcuerdu y que Hamás va aceptar un alcuerdu si los palestinos lu apoyen nuna votación llibre", esplicó.

Hamas dixo tres tomar violentamente'l control de la Franxa de Gaza en xunu pasáu al movimientu Al Fahta d'Abbas qu'ésti nun taba autorizáu a caltener conversaciones de paz con Israel en nome de los palestinos.

Carter y Meshal discutieron el viernes y el sábadu en Damasco cómo'l grupu islamista ignoráu por Israel y Occidente, pue ser incluyíu nun plan de paz, y asina abandone la so oposición a les negociaciones que caltién Abbas col Extáu xudíu.

Según l'ex presidente norteamericanu, escluyir a Hamas "nun ta funcionando", como lo demuestra la persistencia de la violencia na frontera ente Isarel y la Franxa de Gaza. Respecto a esta cuestión, Carter indicó que Hamas refugó la so propuesta d'un altu'l fueu unillateral de 30 díes con Israel porque nun confiaba en qu'Israel diba responder a dicha tregua.

La diposición de Carter a aconceyase con dirixentes de Hamas fízo-y ganase les crítiques d'Israel y d'EE.UU, ya que dambos consideren a esti grupu una organización terrorista. "Nós pensamos que'l problema nun ye que m'aconceyara con Hamas en Siria", afirmó güei Carter. "El problema ye qu'Israel y Estaos Uníos refugen aconceyase con esta xente, que debe tar implicada", añadió.

Na so opinión, "nun hai nenguna duda de que tanto'l mundu área como los palestions, incluyíu Hamas, van aceptar el derechu d'Israel a vivir en paz dientro de les fronteres de 1967".