Muerre Geoffrey Lewis, padre de Juliette Lewis

GETTY

MADRID, 8 d'Abril (EUROPA PRESS)

Geoffrey Lewis, padre de Juliette Lewis y una cara avezada como secundariu de les películes de Clint Eastwood, morrió esti martes a los 79 años por causes naturales, según anunció un amigu de la familia.

Lewis participó nun bon puñáu de western y películes protagonizaes por Eastwood na década de los 70 y 80. Pudimos velu en 'Infierno de cobardes', 'Un botín de 500.000 dólares', 'Duro de pelar', 'La gran pelea' y 'El cadillac rosa'. Eastwood tamién contó con él en dellos títulos que dirixó, como 'Bronco Billy' y 'Medianoche en el jardín del bien y del mal'.

Lloñe de la solombra d'Eastwood, Lewis tamién apaeció en 'La puerta del cielo', 'Dillinger', 'Sonríe' y la miniserie 'El misterio de Salem's Lot'. Más reciente ye'l so trabayu en 'Los renegados del diablo', una cinta de terror estrenada nel 2005.

NOMÁU A LOS GLOBOS D'ORU

L'actor tuvo nomáu a los Globos d'Oru pola so interpretación na serie de 1980 'Flo'. Les sos apaiciones en televisión fueron numberoses, dende 'La casa de la pradera' a 'Falcon Crest' o 'Se ha escrito un crimen'. Ente los 60 y 80 llegó a trabayar nuna docena de series. 'Barnaby Jones', Hawai 5-0' o 'Lou Grant' son dalguna d'elles.

Lewis nació en San Diego, anque con 10 años treslladóse a California. L'actor tuvo diez fíos, cuatro d'ellos siguieron los sos pasos nel mundu de la interpretación. La más conocida ye Juliette, a la que vimos en 'Asesinos natos', 'Abierto hasta el amanecer' o 'Salidos de cuentas'. Matthew, Lightfield y Dierdre tamién dieron los sos pasos nel mundu de la interpretación.