Natalio Grueso, nuevu director de Programación d'Artes Escéniques de Madrid

MADRID/UVIÉU, 7 de Marzu (EUROPA PRESS)

El que fuera responsable de la Fundación del Centru Niemeyer, Natalio GruesO, ye'l nuevu director de Programación d'Artes Escéniques del Conceyu de Madrid, como confirmó'l Conceyu al traviés d'un comunicáu.

El so llabor como xestor cultural pasará per diseñar un nuevu modelu pa los espacios escénicos de Madrid, esto ye, Teatru Español, Teatru Fernán Gómez, Teatru Circo Price y les Naves del Español de Matadero Madrid.

El delegáu de Les Artes, Fernando Villalonga, ta ultimando l'equipu de xestión que va diseñar el modelu cultural de la ciudá pa los próximos años. Como parte d'esti nuevu modelu, Natalio Grueso incorporóse a esti equipu de trabayu al mandu de la dirección de Programación d'Artes Escéniques del Conceyu de Madrid.

Natalio Grueso empezó la so carrera profesional na Comisión Europea, onde foi director de Proyectos de Cooperación Interrexonal Esterna nel marcu del programa Ecos y Ouverture. Ellí dirixó más de 250 proyectos en 40 países, incluyendo l'este d'Europa, l'antigua Unión Soviética, Oriente Mediu y Mercosur.

Dempués foi xefe de Relaciones Internacionales de la Fundación Príncipe d'Asturies y Comisariu Xeneral de los actos conmemorativos del XXV aniversariu de los Premios Príncipe d'Asturies.

Foi coles mesmes consultor d'organismos internacionales, como les Naciones Uníes o Eurostat. Nel sector priváu exerció de director xeneral de la empresa de consultoría internacional DEX, Ltd., na que lideró misiones comerciales empresariales n'Estremu Oriente.

El so trabayu más reciente foi'l de director del Centru Niemeyer, el gran equipamientu cultural diseñáu na ciudá d'Avilés. Nos sos seis primeros meses de funcionamientu'l Centru Niemeyer recibió más d'un millón de visitantes, multiplicando por cuatro'l turismu na ciudá.

Llicenciáu en Derechu pola Universidá d'Uviéu, Grueso dirixó la so carrera profesional hacia les relaciones internacionales y la xestión cultural. Tamién lu convidaron como conferenciante y profesor en más de 60 países de tol mundu.