UVIÉU, 3 de Febreru (EUROPA PRESS)
El presidente del PP d'Asturies, Ovidio Sánchez, calificó los datos del paru rexistraos n'Asturies nel mes de febreru d'alarmantes y d'averaos a los contabilizaos na reconversión industrial. Rexistráronse nel Principáu d'Asturies 2.811 nuevos paraos, lo que supón una subida del 3,47 por cientu en relación a xineru y avera la cifra total de paraos a 84.000. Nos últimos 12 meses, el paru aumentó en 10.178 paraos, un 13,84 por cientu más.
Sánchez, en declaraciones unviaes a los medios de comunicación, señaló que'l Gobiernu del Principáu, igual que l'executivu nacional, tán superaos pola situación creciente del desemplegu y destacó qu'ambes Alministraciones "nun tienen nin midíes nin deseos p'ameyorala". "Nun dexen de dar una en clavu y otra na ferradura", añedió.
Por ello, el PP va pidir la comparecencia del presidente del Principáu na Xunta Xeneral pa que presente alguna midida pa fomentar l'emplegu n'Asturies. "¿O ye qu'igual Areces abandonó les sos esixencies como gobernante d'esta rexón?", preguntóse'l líder de los 'populares' asturianos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
