El presidente de la CNT da a los gadafistes hasta'l sábadu pa rindise

BENGHAZI (LIBIA), 30 (Reuters/EP)

El presidente del Conseyu Nacional de Transición (CNT) libiu, Mustafá Abdel Jalil, dio esti martes un ultimátum a les fuerces lleales a Muamar Gadafi en Sirte y otres ciudaes pa rindise antes del sábadu o de lo contrario van enfrentase a les fuerces rebelbes.

Les fuerces aliaes algamaron siquier 35 oxetivos militares del réxime de Muamar Gadafi en Sirte, la localidá natal del dictador escontra onde los rebeldes traten d'avanzar en conquistando la capital la selmana pasada, nos últimos bombardeos realizaos.

Según informó la OTAN esti martes, les fuerces aliaes neutralizaron o estropiaron trés nodos de mandu y control de les fuerces del réxime, un puestu de mandu, cuatro radares, 22 vehículos militares y una instalación militar na redoma de Sirte, según otru sistema de misiles tierra-aire, un sistema de misiles pa valtar aviones y otros dos vehículos de sofitu cerca d'esta mesma localidá ente'l llunes y la madrugada del martes.

Coles mesmes, aviones baxu mandu aliáu llanzaron ataques contra dos nodos de mandu y control y un depósitu de municiones próximos a la localidá de Bani Walid y llograron neutralizar o estropiar cinco sistemes d'artillería antiaerea, una llanzadera de cohetes múltiple, un radar y una arma antiaérea na redoma de Hun.