UVIÉU, 6 Nov. (EUROPA PRESS) -
L'Índiz Xeneral de Producción Industrial (IPI) aumentó un 0,8% interañal el pasáu mes de setiembre n'Asturies, 1,7 puntos menos que la media nacional, que s'incrementó un 2,5%, según datos publicaos pol Institutu Nacional d'Estadística (INE). La producción industrial sigue asina un mes más en cifres positives n'Asturies y encadena trés meses de crecedera.
La tasa añal de la producción industrial crez en doce comunidaes autónomes y mengua n'otres 5. Madrid (8,6%), Murcia (5,6%) y Andalucía (5,3%) fueron les qu'esperimentaron mayores medríes, ente que nel llau opuestu asítiense Navarra, Estremadura y Cantabria con retrocesos d'un 5,5%, 4% y un 3,6%, respectivamente.
No que va d'añu la producción industrial n'Asturies amenorgóse un 4%, frente a una medría del 1,5% de la media nacional.
Por destín económicu, los bienes de consumu nel so conxuntu baxaron na rexón un 3,8% con una medría del 2% nel casu de los duraderos y un 4,1% menos pa los non duraderos. En cuanto al restu, los bienes d'equipu menguaron un 9,3%, los bienes entemedios anotaron un 0,6% más y los de la enerxía, un 18% más.