UVIÉU, 22 Abr. (EUROPA PRESS) -
El hashtag #UniOviNosAbandona convirtióse na segunda tendencia (TT) n'España depués d'una protesta nes redes sociales del estudiantáu de la Universidá d'Uviéu énte lo que califiquen como una falta de previsión nes feches y na modalidá de les evaluaciones.
Los estudiantes empezaron a twittear les sos quexes alredor de les 12.00 hores depués de que la institución asturiana anunciara esti martes qu'encaraba la evaluación non presencial a partir del 13 de mayu.
Énte esto, cientos d'estudiantes sumáronse al hashtag #UniOviNosAbanadona, que yá suma más de 7.000 tweets, convirtiéndose nel segundu más usáu nel conxuntu del Estáu español.
Asina, los estudiantes quixeron mostrar les sos quexes énte'l sistema d'evaluación y reclamaron que nun s'amenorgue'l pesu de la evaluación continua, que los estudiantes tengan capacidá d'elección pa escoyer la modalidá d'evaluación, qu'exista previsión na feches de les evaluaciones y que se tenga en cuenta al estudiantáu na ellaboración de les guíes docentes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
