Un pupitre ta 400 vegaes más puercu qu'un váter, según un estudiu

MADRID 31 Ago. (EUROPA PRESS) -

Un pupitre ta 400 vegaes más puercu qu'un váter porque ésti llímpiase a diariu con productos desinfestantes, según alerta la empresa de soluciones hixéniques de PHS Serkonten, que sostién que'l cuidáu de la llimpieza y ambiente de los colexos ameyora'l rendimientu de los profesores y la capacidá d'atención de los alumnos.

Coles mesmes, alvierte de que namái'l 22 por cientu de los docentes y estudiantes llava les manes enantes de comer nel centru educativu, un aspeutu que, xunto a la suciedá de los pupitres, provoca'l contaxu del 60% de les enfermedaes nel entornu escolar, sobremanera en neños de tres a seis año.

Pa evitar l'acumulación de suciedá, esta empresa aconseya a los centros cuntar con un suministru de productos y materiales colos que combatir el polvu, el desorde y los residuos; aplicar productos de llimpieza escontra los microbios aptos pa moblame y materiales de trabayu compartíos; o asitiar felpudos en llugares estratéxicos porque'l 70% de la suciedá nes aules provién de les sueles de los zapatos.

Sobre la hixene d'alumnos y profesores, encamienta poner nun llugar visible instrucciones de cómo llavase bien les manos y asegurar qu'haya xabón abondo y toallines o que los secadores automáticos funcionen bien.

Sobre la llimpieza ambiental, esta compañía alvierte de la importancia que tien esti aspeutu nos centros, nos qu'alumnos, docentes y restu de personal pasen una media de siete hores diaries. Nesti sen, afirma que la mala calidá del aire nel interior del centru ye responsable d'una perda media de productividá del 10 por cientu.

PLANTES PA LLIMPIAR L'AMBIENTE Y AMENORGAR L'ESTRÉS

Aconseya escontra'l déficit de llimpieza ambiental l'allugamientu nos colexos de plantes naturales qu'absuerben impureces y dióxidu de carbonu y producen osíxenu, amás de "medrar los niveles de positividá y amenorgar la sensación d'ansiedá, irritabilidá y estrés".

Sobre la illumnación, propón facelo de forma eficiente naquelles estancies del centru que nun dispongan de lluz natural y aprovechar al máximu ésta cuando seya posible. Y sobre el consumu de l'agua, propón que se faiga de forma racional al traviés de cisternes con doble pulsador, grifos autu regulables y fontes de zarráu automáticu. Tamién plantega cuntar con protocolos ambientales p'amenorgar l'usu del papel, reutilizar y reciclar llibros o apuntes, amás d'aprovechar l'usu de nueves teunoloxíes.