Trabanco agota la sidra de la collecha 2013 de mazana selecionao

UVIÉU, 19 de Febreru (EUROPA PRESS)

   El Grupu Trabanco, el principal ellaborador de sidra natural n'Asturies, acabó la collecha 2013 de la sidra natural Trabanco Collecha Propia, acoyida al sellu "Sidra de Mazana Selecionao". Ye la primer vez que Trabanco acaba tola producción de la so "pata negra" primero que s'incorpore la sidra del nuevu añu.

   Según esplicó'l mesmu grupu nuna nota prensa, "ye un fechu de notable trescendencia pal llagar de Llavandera (que sicasí va siguir produciendo la sidra tradicional Trabanco etiqueta mariella)".

   Asina, Trabancho destacó "el notable crecimientu qu'hubo nel mercáu asturianu, nel que la sidra de Mazana Selecionao y en concreto Trabanco Collecha Propia ta consolidándose como una opción de calidá y qu'apuesta pol sector cosechero asturiano, "ta detrás d'esti finxu pal llagar de Llavandera".

   A esto únese al puxu de la "la pata negra" en mercaos nacionales ya internacionales, onde "la sidra Trabanco Collecha Propia ta empezando a asitiase como una de les referencies en sidra natural 'made in Spain'".

COLLECHA 2014

   Per otra parte, Trabanco refirióse a la fermentación "más lenta de lo esperao" de la nueva sidra de la collecha 2014. "Les baxes temperatures que tuvimos nes últimes selmanes retrasaron enforma la fermentación de la sidra. Esperábamos contar con sidra de la nueva collecha yá en marzu, pero lo cierto ye que los tiempos que manexamos agora van llevamos a mediaos d'abril pa que salga la nueva sidra al mercáu", apunta Samuel Trabanco, xerente de Grupu.

   Esti fechu obligó al llagar de Llavandera a tomar la decisión d'esperar a que la sidra de selección de la collecha 2014 algame'l so puntu óptimu de maduración y el nivel de calidá esperao.