UVIÉU, 16 Abr. (EUROPA PRESS) -
Ediciones Trabe publicó la tercer edición de 'Nel ríu la Fame', obra de la tinetense Pilar Arnaldo que recueye dellos rellatos protagonizaos por muyeres probes del ámbitu rural.
"Pilar Arnaldo escueye contar un momentu estraordinariu qu'ocurre na vida de seis muyeres, seis campesines nun tiempu nel que les families probes nun yeren ames del so destín, de cuando les muyeres taben condenaes a la obediencia y a la resignación", indiquen dende la editorial.
Les seis protagonistes viven na redolada del ríu la Fame, el nome popular del ríu Xinestaza y "son a sobreponese a la calamidá pa enfrentar la vida con determín y valentía y a les qu'esti llibru da voz".
Pilar Arnaldo nació en 1964 na Pontecastru (Tinéu). Llicenciada en Filoloxía Hispánica, da clase nel Institutu de Tinéu, xera que compaxina con tarees de reivindicación y defensa del mundu rural.
Andalucía
