UVIÉU, 19 d'Ochobre (EUROPA PRESS)
La Xunta pola Defensa de la Llingua Asturiana felicítase pola sentencia de la Sala de lo Contencioso AlministrativO del Tribunal Superior de Xusticia d'Asturies, que declara nulu "por ser contrariu a derechu", l'artículu de la resolución del 16 de mayu del 2008, qu'establecía un númberu mínimu d'ocho alumnos pa facer grupos na asignatura de Llingua Asturiana na Educación Secundaria. De la mesma manera, pide que s'execute "inmediatamente".
Al traviés d'un comunicáu la organización treslladó "la norabona a tola xente que llevó alantre esta reclamación fundamental pa los derechos de los estudiantes y pal cumplimientu de les lleis vixentes, qu'establecen la presencia de la materia en tolos tramos educativos, sin que l'Alministración pue vulnerar esi derechu al traviés de les diferentes maniobres a les que nos tien avezaos".
Por eso, "esperamos que la sentencia s'execute inmediatamente en tolos centros d'enseñanza, públicos y concertaos, y d'esta manera entame'l camín de la normalización llingüística y el cumplimientu de la llei nel sistema educativu", acabó la Xunta.
Andalucía
