UVIÉU, 12 d'Abril (EUROPA PRESS)
Un montañeru avilesín de 70 años, Francisco González, finó esti martes al sufrir una cayida na Pica de Peñamellera, nel conceyu de Peñamellera Alta.
El montañeru alcontrábase faciendo escalada con otres dos persones, que resultaron ileses, anque, por cuenta de les dificultaes d'accesu a la zona, hubo qu'evacuales nel helicópteru del grupu de rescate del Serviciu d'Emerxencies del Principáu d'Asturies (SEPA).
El Centru de Coordinación d'Emerxencies recibió la llamada d'avisu a les 14.21 hores y movilizó de momentu al citáu grupu de rescate. El SEPA tamién punxo los fechos en conocencia de la Guardia Civil.
Al producise un fallecimientu treslladóse a la zona'l
Grupu de Rescate ya Intervención en Monte (GREIM) de la Guardia Civil, qu'intervieno nel llevantamientu del cadabre. El cuerpu sin vida del montañeru treslladóse darréu al aeródromu de La Morgal. El dispositivu acabó a les 18.12 hores.
