GASTEIZ 8 Jul. (EUROPA PRESS) -
Gasteizko Artium Euskal Herriko Arte Garaikidearen Museoak haurrentzako udako lantegi irekiak egingo ditu uztaileko eta abuztuko azken hamabostaldietan, 'Zer ikas dezakegu landareetatik?' izenburuperan, museoaren lorategiko ekosistemak osatzen dituzten landareen eta zomorroen errealitatera hurbiltzeko, haurren ingurumen kontzientzia hainbat teknika artistikoren bidez landuz.
Lantegiak goizez egingo dira, asteartetik ostiralera, museoaren barruan zein kanpoan, eta 4 eta 12 urte bitarteko haurrei zuzenduta daude, heldu bat lagun dutela. Sarrera doakoa da eta ez da beharrezkoa aurretik izena ematea, Artium Museoko iturriek jakinarazi dutenez.
Programak landareei eta haien ekosistemei buruz hausnartzea proposatuko du, "mutazio betean dagoen planeta batean". "Naturaletik marrazten ikasi eta herbario bat sortuko dugu. Landare, fruta eta loreekin gure tinta eta margoak egin, eta horiekin hainbat euskarritan margotuko dugu", azaldu dute.
Lantegiak museoaren barruan eta plazako lorategian izango dira, eta horrela, "gure baratzeak bere lore, barazki, zuhaitz eta intsektuekin eskaintzen dituen aukera bikainak aprobetxatuko ditugu".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
