Batbatean jaialdiak 45 talde, 19 dj eta bost eszenatoki izango ditu maiatzaren 15ean eta 16an Gasteizen

BATBATEAN

GASTEIZ 21 Feb. (EUROPA PRESS) -

Batbatean jaialdiaren lehenengo edizioa maiatzaren 15ean eta 16an egingo da Gasteizko Mendizabaleko gunean, eta guztira 45 talde eta 19 dj arituko dira, bost agertokitan banatuta, "egungo musikaren aniztasunaren eta aberastasunaren aldeko apustua berretsiz".

Jaialdiaren antolatzaileek egitaraua aurkezteko prentsaurrekoan aste honetan jakinarazi dutenez, gainera, musika elektronikoari eskainitako gune berezia izango da, baita 'food truck' gunea eta kanpalekua ere. Azken horren inguruko xehetasun gehiago laster emango dituzte.

Bada, Batbatean jaialdiaren lehen edizioan izango dira Aimarz, Ajou!, Annekdotas, Añube, Apotheke 90, Ateri, Bellum, Brigade Loco, Bull Brigade, Dinamita, Edu Zardoya, Etxepe, Ganibet, Gozategi, Hell Beer Boys, Hofe, Jarfaiter, Juantxo Skalari & La Rude Band, Kaos Etiliko, Kaparrak, Lablackie, La Elite, La Txama, Lehen Lerroa, Los Zopilotees Txirriaos eta Lukiek.

Halaber, Malakias, Malko, Maruxak, Metrika, Mikosis, Mirotz, Nafarroa 1512, Nerve Agent, Nevadah, No Limits, Roy Ellis, Safu, Santa Salut, Sedientos de Cumbia, Segismundo Toxicómano, Skabidean, Sustrai Berriak, Tatta, Xiberoots, Aida Blanco, Azken Erromantikoak, Brava, Carlos Perez, Guat-K, Iskra Selector, K-Style, Lobas, Malandro, MDM, Mario Boss, Nelson, Pineapple Sweets, Posse, Noetica, Reimy, Rosa Mari, Saturday's Kids eta Wary igaroko dira Mendizabaletik.

Antiolatzaileek nabarmendu dutenez, Batbatean "ez da jaialdi hutsa", tokiko eszenatik sortutako proiektua baizik, hau da, "kontzertu aretoetatik, asteburuko programazioetatik eta urte osoan zuzeneko musika sostengatzen duten pertsonengandik jaioa".

TOKIKO TALDEAK

"Hasieratik helburua argia izan da: tokiko taldeei protagonismoa ematea eta euskal eszenan dauden estiloen aniztasuna balioan jartzea. Gaur aurkeztutako kartelak Euskal Herriko zein Estatuko egungo artistak biltzen ditu. Ibilbidea eta publikoa duten proposamenak dira, aretoak betetzen dituztenak, baina sarritan jaialdi handietan lekua aurkitzeko zailtasunak dituztenak, non izen txikiagoak bigarren planoan geratzen diren", adierazi dute.

Gaineratu dutenez, Batbatean jaialdiak Gasteizko "gune klasiko bat tokiko eszenari itzuli nahi dio", eta euskal zein gasteiztar musika komunitatearentzat belaunaldi arteko topagune bihurtu.

Jaialdiaren xedea "gaur egun musikan gertatzen ari denaren isla izatea da, benetako proposamenen alde eginez eta hierarkia artifizialak baztertuz". "Publikoarekiko lotura eta nortasun artistikoa jarri nahi ditu erdigunean, nabarmendu dute.

Antolakuntzak jakinarazi du martxo hasieran artisten eguneko banaketa iragarriko dela eta eguneko sarrerak jarriko direla salgai. Gainera, sarrera fisikoak eskuragarri daude jada Hor Dago! tabernan.