DONOSTIA 29 Ene. (EUROPA PRESS) -
Donostiako Udaleko Euskara Zerbitzuak merkataritzako eta ostalaritzako profesionalei zuzenduriko euskara ikastaroak antolatu ditu beste behin, hiriko merkatarien eta ostalarien federazioarekin batera. Ikastaro espezifikoak dira, 60 ordukoak (otsailetik ekainera), 60 euroan, eta otsailean hasiko direnen izen-ematea ostiralean bukatuko da, urtarrilaren 31n.
Bezero euskaldunak arreta hobea izatea da helburua eta, horretarako, euskara ikasten hastera edo euskara maila hobetzeko ikastaroak eskaintzen dira. Ikastaroak hiriko euskaltegietan gauzatuko dira, hau da, AEK, Ilazki, Hitzez, Legazpi 6, Urrats eta Urumean, Donostiako Udalak jakinarazi duenez.
I Moduluko ikastaroen helburua da zerbitzua euskaraz ematen hasteko oinarrizko komunikazio gaitasuna lantzea, eta jarraipen moduluena, aldiz, hizkuntza oinarriak eta edukiak finkatu eta osatzen joatea ulermenerako nahiz komunikaziorako gaitasuna hobetzeko.
Esan bezala, izen-ematea ostiralera bitarte dago zabalik, eta sarean (http://www.donostiaeuskaraz.eus/euskaraz/merkost/lang/eu) edota Udal Euskara Zerbitzuan, Gipuzkoako Merkatarien Federazioan, San Sebastián Shops elkartean eta Gipuzkoako Ostalaritza Elkartean egin daiteke.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
