Isabel Coixeten collage aukeraketa biltzen duen 'Kaosaren diziplina' erakusketa ireki du Donostiako San Telmo Museoak

DONOSTIA 11 (EUROPA PRESS)

Donostiako San Telmo Museoak 'Kaosaren diziplina' izenburuko erakusketa antolatu du Donostia Zinemaldiarekin elkarlanean. Isabel Coixet zinemagileak sortutako collage aukeraketa bat biltzen du, eta Laborategia aretoan egongo da ikusgai azaroaren 1era bitarte, doako sarrerarekin.

Antolatzaileek jakinarazi dutenez, Coixet bere ibilbide zinematografikoagatik ezaguna bada ere, bere sormen lanaren alderdi ezezagunago bat erakutsiko da San Telmo Museoan, azken urteotan zinemarekin batera garatu duena.

'Kaosaren diziplina' erakusketa 2025ean aurkestu zen Madrilgo Thyssen-Bornemisza Museoan, PhotoEspañaren programazioaren barruan, eta San Telmo Museora hainbat lan berrirekin iritsi da.

60tik gora collage inguru biltzen ditu, zinemagilearen bizitoki izandako hiru hiri ezberdinetan sortuak, hau da, New York, Erroma eta Montolieu. Eskuz zein teknika digitalen bidez egindako collage hauetan, argazki, ebakin, testu eta aurkitutako objektuetatik abiatuta, erreferentzia pertsonalak, oroitzapenak, beste bizitza batzuen zatiak eta oso testuinguru desberdinetatik datozen irudiak uztartzen dituzten konposizioak sortu ditu.

Erakusketarekin batera, liburuxka bat argitaratu du museoak, Isabel Coixeten, Laura Ferras kazetari, idazle eta gidoigilearen eta aurreko erakusketen komisario lanak egin dituen Estrella de Diego arte historialariaren testuekin.