BILBO 21 Feb. (EUROPA PRESS) -
Euskalmet euskal meteorologia agentziaren iragarpenaren arabera, larunbat honetan, otsailaren 21ean, eguraldi egonkorra eta eguzkitsua izango dugu. Zerua hodei gutxirekin egongo da, goi-hodei batzuekin. Goizean goiz lainoa agertuko da eta barnealdeko zenbait lekutan kostako zaio jasotzea. Haize ahul eta aldakorra ibiliko da; kostaldean arratsaldean ekialdekoa nagusituko da.
Egunaren hasieran hotz egingo du eta hegoaldeko zenbait lekutan izotza egingo du. Tenperatura maximoak nabarmen igoko dira eta 15 graduak gaindituko dira hainbat txokotan. Hiriburuetan, Baionan 5 gradu espero dira gutxienez eta 16 gehienez, Bilbon 7 gutxienez eta 17 gehienez, Donostian 6 gutxienez eta 16 gehienez, Gasteizen 0 gutxienez eta 15 gehienez eta Iruñean 1 gutxienez eta 16 gehienez.
Itsasbazterrean norabide aldakorreko haizea ibiliko da 2ko indarrarekin, hego-osagaia nagusituz, eta arratsaldean eki-osagaikoa 2-3koarekin; itsaso kizkurra edo itsaskirria eragingo du. Ipar-mendebaldeko hondoko itsasoak 1,5-2 metro arteko olatuak altxatuko ditu. Itsasgorak 06:58an eta 19:17an izango dira, eta itsasbehera 13:08an. Uraren tenperatura 12 gradukoa da eta ikuspena hamar kilometrotik gorakoa izango da.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
