Eguraldia.- Giro eguzkitsua astelehen honetan

BILBO 6 Oct. (EUROPA PRESS) -

Euskalmet euskal meteorologia agentziaren iragarpenaren arabera, astelehen honetan, urriaren 6an, giro eguzkitsua gailenduko da denean, eta tenperatura maximoak nabarmen igoko dira; minimoak, aldiz, jaitsi egingo dira eta egunsentia freskoagoa izango da. Goizean goiz behe-lainoa sortuko da barnealdean, eta zenbait lekutan eguerdira arte ez du jasotzea lortuko, bereziki Arabako Lautadan. Lainoa desagertu ostean, zerua garbi geratuko da. Ekialdeko haizea ibiliko da, ahul, kostaldean izan ezik; bertan zakarrago ibiliko da.

Hiriburuetan, Baionan 8 gradu espero dira gutxienez eta 23 gehienez, Bilbon 11 gutxienez eta 22 gehienez, Donostian 10 gutxienez eta 21 gehienez, Gasteizen 5 gutxienez eta 23 gehienez eta Iruñean 6 gutxienez eta 24 gehienez.

Itsasbazterrean norabide aldakorreko haizea ibiliko da 2ko indarrarekin, eta goizean eki-osagaitik finkatuko da 3koarekin eta 4ko tarteekin; itsaskirria eragingo du, itsaskiko guneekin. Ipar-mendebaldeko hondoko itsasoak 1,5-2 metro inguruko olatuak altxatuko ditu; txikituz joan eta azken orduetan metrobete ingurukoak altxatuko ditu. Itsasgorak 04:40an eta 16:55ean izango dira, eta itsasbehereak 10:39an eta 23:02an. Uraren tenperatura 19 gradukoa da eta ikuspena hamar kilometrotik gorakoa izango da.