Eguraldia.- Giro nahasi samarra asteazkenean ere

BILBO 6 Nov. (EUROPA PRESS) -

Euskalmet euskal meteorologia agentziaren iragarpenaren arabera, asteazkenean, azaroaren 7an, giroak nahasi samar jarraituko du. Egunaren lehen zatian hego-mendebaldeko haizearekin jarraituko dugu eta, hodeiak ugariak izango diren arren, ez dugu euri askorik espero. Eguerditik aurrera, berriz, haizea mendebal/ipar-mendebaldetik finkatuz joango da eta arratsaldean, batez ere kantauri isurialdean, euri gehiago egin dezake. Gauean haizeak berriz ere hegoaldera egingo du eta erabat atertuko du.

Termometroetan aldaketa nabarmenik gabe jarraituko dugu. Hiriburuetan, Bilbon 9 gradu espero dira gutxienez eta 17 gehienez, Donostian 9 gutxienez eta 17 gehienez, Gasteizen 5 gutxienez eta 13 gehienez, eta Iruñean 7 gutxienez eta 14 gehienez.

Itsasoan, goizaldean hego-mendebaldeko haizea ibiliko da 5-6ko indarrarekin, goizean ahulduz joango da, eta eguerdian ipar-mendebaldetik finkatuko da 3-4ko indarrarekin; gauean hegoaldetik finkatuko da, 3ko indarrarekin. Itsaskirria eragingo du, itsaskiko guneekin eguerditik aurrera. Ipar-mendebaldeko hondoko itsasoak 1,5 metro inguruko olatuak altxatuko ditu, eta arratsaldean 3 metrokoak. Itsasgorak 02:58an eta 15:18an izango dira, eta itsasbeherak 08:58an eta 21:21ean. Uraren tenperatura 15 gradukoa da eta ikus-eremua hamar kilometrotik gorakoa izango da.