Eguraldia.- Hodeiak ostarteak baino gehiago astelehen honetan

BILBO 29 Sep. (EUROPA PRESS) -

Euskalmet euskal meteorologia agentziaren iragarpenaren arabera, astelehen honetan, irailaren 29an, hodeiak ostarteak baino gehiago izango dira berriro ere. Oraingoan behe-hodeiak izango dira, Kantauri isurialdeari gehiago eragingo diotenak, eta askoz urriagoak izango dira Nafarroako erdialdean eta hegoaldean; bertan ostarte zabalak ikusiko dira. Baliteke hodei horiek tanta batzuk uztea, ipar parteko zenbait puntutan goizean eta eguneko erdiko orduetan. Ipar-mendebaldeko eta iparraldeko haizea ibiliko da.

Tenperatura maximoak apur bat jaitsiko dira eta 20-22 graduren bueltan ibiliko dira; Nafarroako hegoaldean zertxobait altuagoak izango dira. Hiriburuetan, Baionan 15 gradu espero dira gutxienez eta 21 gehienez, Bilbon 15 gutxienez eta 21 gehienez, Donostian 14 gutxienez eta 20 gehienez, Gasteizen 10 gutxienez eta 21 gehienez eta Iruñean 10 gutxienez eta 23 gehienez.

Itsasbazterrean ipar-mendebaldeko haizea ibiliko da 3-4ko indarrarekin, arratsaldean iparraldekoa geldituko da 3koarekin, eta gauean mendebal/ipar-mendebaldekoa 2koarekin; itsaskirria eragingo du, itsaskiko guneekin egunaren lehen partean, eta itsaso kizkurra gauean. Ipar-mendebaldeko hondoko itsasoak 0,5-1 metroko olatuak altxatuko ditu. Itsasgorak 09:35ean eta 22:03an izango dira, eta itsasbehereak 03:22an eta 15:57an. Uraren tenperatura 20 gradukoa da eta ikuspena hamar kilometrotik gorakoa izango da.