BILBO, 16 (EUROPA PRESS)
Euskal Herriko Unibertsitateak (EHU) ikasteko gelak irekiko ditu hiru campusetan 2022-2023ko ikasturteko lehenbiziko lauhilekoko azterketak direla eta, ordu tarte zabalarekin, aldi honetan sortzen diren eskaerei erantzuteko.
Hain zuzen, EHUko iturriek jakitera eman duenez, abenduaren 17-18ko asteburuan, urtarrilaren 2tik 8ra bitarte eta urtarrilaren 14-15eko asteburuan zabalduko dira ikasteko gelak, 09:00etatik 21:00etara.
Zehazki, Arabako campusean, Hezkuntza eta Kirol Fakultatean irekiko dira gelak, Gasteizen; Bizkaikoan, Ekonomia eta Enpresa Fakultatean (Sarriko), Bilbon, eta Gipuzkoakoan, Elbira Zipitria zentroan, Donostian. Bizkaiko eta Gipuzkoako campusen kasuetan, EHUko unibertsitate komunitateko ikasleek bakarrik erabili ahal izango dituzte gelak.
Ikasleek aldez aurretik erreserba egin beharko dute https://www.qr4services.com/eu/ aplikazioaren bitartez. EHUko ikasleek bakarrik eman dezakete alta aplikazioan eta beraiek bakarrik sar daitezke Elbira Zipitria zentroko ikasteko geletara.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
