BILBO, 23 (EUROPA PRESS)
Eroskik 65 frankizia inauguratu ditu 2021ean, zortzi milioi euro baino gehiago inbertituta, eta 306 lanpostu sorrarazi. Hedapen horren eta denda propioen sarea eraldatzeko ekimenaren bitartez, "bultzada indartsua" hartu du Eroskiren belaunaldi berriko dendak ezaugarritzen dituen 'Zurekin' eredu komertzialak, kooperatibako iturriek adierazi dutenez.
Espainiako Estatuko autonomia erkidego hauetan egin ditu kooperatibak inaugurazio gehienak: Katalunia (18), Euskal Autonomia Erkidegoa (13), Andaluzia (7), Galizia (6), Balear Uharteak (5) eta Gaztela eta Leon, Gaztela-Mantxa eta Madril (3na). Valentziako Erkidegoan eta Nafarroan bina ireki dira, eta Errioxan bat.
Horrela, aurreko urteetako irekieren erritmoari eutsi dio Eroski, eta 250 inaugurazio baino gehiago egin ditu azken bost urteetan. Modu honetan, 2021eko amaieran, frankizia erako 577 supermerkatu zituen, eta sarearen salmentek %14ko hazkundea izan dute pandemiaren aurreko 2019koekin alderatuta.
Eroskik frankizien sarea hedatzen jarraituko du, eta Andaluzia, Madril, Gaztela-Mantxa, Extremadura eta Levanten jarriko du arreta nagusia datozen urteetan. 2022ko ekitaldian, Eroskiren asmoa da 75 inauguratzea.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
