GASTEIZ 20 Jun. (EUROPA PRESS) -
Gidari bat hil da ostiral honetan Zuian (Araba) gertatu den auto istripu baten ondorioz. Ibilgailua errepidean irauli egin da eta bertaratutako larrialdi-zerbitzuek ezin izan dute ezer egin gidariaren bizia salbatzeko.
Eusko Jaurlaritzako Segurtasun Sailak jakinarazi duenez, ezbeharra 08:30ean gertatu da N-622 errepidean, Zuia parean, Gasteizerako noranzkoan. Biktimak gidatzen zuen ibilgailua errepidetik atera da eta, hainbat buelta eman ondoren, iraulita geratu da.
Larrialdi zerbitzuak berehala bertaratu dira biktima artatzera, eta, suhiltzaileek erreskatatu ondoren, osasun langileak suspertzen saiatu dira, baina ez dute lortu, zauri larriak zituelako.
Istripuaren ondorioz, errepidea itxi egin dute Gasteizerako noranzkoan, larrialdi zerbitzuek lan egin dezaten, eta auto pilaketak sortu dira. Trafikoa Aiurdin zaharretik desbideratzen ari dira.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
