Hoteletako erreserbekin lotutako iruzurrez ohartarazi du Ertzaintzak, apiriletik irailera 98 salaketa jaso ondoren

BILBO 6 (EUROPA PRESS)

Ertzaintzako Zibersegurtasuna Koordinatzeko Buruzagitzak hotel establezimenduen erreserbekin lotutako iruzur kasuez ohartarazi du, apiriletik irailera bitartean guztira 98 salaketa erregistratu ondoren. Jarritako salaketen arabera, 57.000 eurotik gorako iruzurra egin da guztira.

Eusko Jaurlaritzako Segurtasun Sailak jakinarazi duenez, 2026ko apiriletik irailera bitartean, iruzur gehienak erreserba plataforma batean egindakoak dira, baina hoteletako eta landa turismoko webguneekin egindako batzuk ere badaude.

Iruzurra hasten da mezu bat jasotzen denean, orokorrean Whatsapp bidez. Mezu horretan, biktimak erreserba bat duen hotel establezimenduaren lekuan jartzen dira ziberdelitugileak. Bertan adierazten dute beharrezkoa dela egonaldia egiaztatzea iritsi aurretik, eta horretarako esteka bat jartzen dute. Iruzurraren mezuak erreserbari buruzko informazio zehatza izaten du, hala nola hotelaren izena, bezeroarena, sarrera eta irteera datak eta erreserbaren identifikazio zenbakia.

Informazio hori benetakoa da, eta iruzur eginez hainbat bidetatik lortzen da, esate baterako, erreserba plataformari egindako erasoen bidez edo hoteletako eta landa turismoko webguneei zuzenean egindako erasoen bidez. Informazioa saltzen duten atarietan ere eros daiteke informazio hori, DLS (Data Leak Sites) izenekoetan.

Estekan sartzen denean, biktima establezimenduaren identitatea ordezkatzen duen webgune batera bideratzen da, eta bertan eskatzen zaio datu pertsonalak sartzeko, hala nola izena, NANa edo bankuko datuak. Gero, kontratatu duen zerbitzuaren ordainketa osoa egiteko eskatzen diote.

Ertzaintzak gomendatu du estekan ez sartzea eta jasotako mezuari ez erantzutea; ostatuarekin zuzenean egiaztatzea erreserba, haren webgunearen edo telefono ofizialen bidez; ahal izanez gero, beste bide bat erabiltzea hotelarekin harremanetan jartzeko, esaterako, telefono bat edo posta elektronikoa, baina inoiz ez iruzur mezuaren ondoan dagoen edo iruzurgileak eman dizun telefonoa edo helbie elektronikoa.

Nazioarteko profilari erreparatzeaere gomendatu du, erreserbaren herrialdeari dagokion ala ez jakiteko, bai eta datu pertsonalik edo bankuko daturik ez emateko eta igorlea blokeatzea eta jakinaraztea ere. Finantza datuak ematen badira, dagokion finantza erakundearekin harremanetan jartzea aholkatzen da.

Era berean, Ertzaintzak herritarrei eskatu die, iruzur modalitate horren biktima izan badira, aurkez ditzaketen froga guztiak gorde ditzatela eta edozein ertzain-etxetara joan daitezela salaketa jartzeko.