SANTIAGO DE COMPOSTELA, 9 May. (EUROPA PRESS) -

A empresa galega Cortizo presentou 11 novos produtos de innovación e "vangarda" no Salón Internacional da Ventá e o Cerramento Acritalar (Veteco).

Cortizo acudiu á feira, que tivo lugar entre o 4 e o 7 de maio, cun expositor de case 500 metros cadrados, no que se exhibiron 11 produtos lanzados ao mercado nos dous últimos anos entre os que se atopan diversas melloras para cerramentos como son as fachadas modulares e intercalarias, a Balconera mediterránea ou a Porta Millenium Plus.

Segundo a información á que tivo acceso Europa Press, esta empresa con sede central en Padrón (A Coruña), desenvolveu tamén o Software Cortizo, un programa de xestión integral de carpintaría, válido para todos os sistemas da marca de aluminio, PVC, fachadas e protección solar.

Con este programa a empresa de sistemas de aluminio para a arquitectura, busca cubrir todas as actividades habituais nunha empresa de cerramentos como son os presupostos, os despezamentos, as expedicións, a optimización de material ou a xestión de stock.

No marco da feira, o director de Mercadotecnia de Cortizo, Daniel Lainz, afirmou que o balance da feira "foi enormemente positivo" xa que, segundo resaltou, se produciu unha "marca" en relación á afluencia ao expositor de clientes e expositores.

Xunto a isto, realizáronse cursos de formación relativos á montaxe das series, e outros destinados ao funcionamento do software de xestión integral.

GALARDÓN

Así mesmo, no marco desta feira, a compañía foi galardoa co recoñecemento á "empresa que fomenta o marcado CE" por parte da multinacional líder en ensaio, Applus.

Neste sentido, o responsable de marcado CE, Pablo Sabarís, agradeceu o premio en nome da empresa e mostrou o "esforzo" para mellorar nesta materia.