A Xunta propón ao sector de comercio retallista galego crear unha plataforma de venda en liña

Actualizado 07/07/2008 22:15:46 CET

SANTIAGO DE COMPOSTELA, 7 Jul. (EUROPA PRESS) -

A Consellería de Innovación e Industria, a través da Dirección Xeral de Comercio, propón ao sector retallista galego o desenvolvemento dunha plataforma de venda en liña. Esta iniciativa está pensada para poñer a disposición do conxunto do pequeno comercio unha marca común baixo a que comercializar a súa mercadoría a través de Internet apostando así pola introdución das novas tecnoloxías e a modernización do sector.

A directora xeral de Comercio, Ana Rúa, foi a encargada de presentar hoxe o proxecto nunha xornadas provinciais celebradas en A Coruña baixo o título 'Comerciando na rede'.

Deste modo, durante os catro encontros provinciais que se desenvolverán esta semana por toda a comunidade, exporase ao comercio retallista a necesidade de internarse na comercialización a través de Internet como unha estratexia conxunta entre a Administración e o sector privado para traballar "na súa modernización e adaptación ás necesidades do novo mercado".

Neste sentido, a consellería destaca, sobre todo, a importancia de que este proxecto se leve a cabo coa presenza en conxunto e todo o comercio galego para poder desenvolver unha única marca que identifique e ampare ao sector. O sistema permitiría introducir información da tenda, poñer os seus produtos á venda, facer campañas de promoción ou empregar tarxeta de crédito, entre outras facilidades.

O papel do Goberno galego será o de creación, desenvolvemento e promoción da plataforma, así como asesoramento continuo aos comerciantes que se sumen ao proxecto.

 

Lo más leído

  1. 1

    El colágeno y su papel en nuestras articulaciones: ¿realmente son necesarios los suplementos?

  2. 2

    ¿Hasta que edad pueden los hombres tener hijos? ¿Existe una edad ideal?

  3. 3

    Ciudadanos pide acabar con la salida de militares a los 45 años y readmitir a los ya expulsados

  4. 4

    CSIF-A anuncia que la Junta prorroga al 7 de febrero el cierre de la bolsa única de personal laboral

  5. 5

    Dos heridos en Mataró por el viento al caer una palmera y al accidentarse una moto

La actualidad más visitada en EuropaPress logo: La actualidad más vista