VIGO, 15 Ago. (EUROPA PRESS) -
A antiga gardaría anexa á fábrica abandonada de Massó, en Cangas (Pontevedra), rexistrou un incendio na tarde deste martes polo que se mobilizaron varios medios de extinción.
Eran varios os particulares que contactaban co 112 Galicia pasadas as 18,30 horas da tarde, para alertar de que vían fume das proximidades da conserveira e que, en principio, non parecía haber persoas no interior.
Con estes datos, o 112 pasou o aviso á Garda Civil e á Policía Local de Cangas, así como aos bombeiros de Baixo Miño --do parque do Porriño--, a Protección Civil de Cangas, ao GES de Mos e aos axentes forestais da Xunta, que traballan no punto para atallar as chamas.
De acordo coa última información trasladada pola Policía Local, o lume afecta á estrutura da antiga gardaría do complexo de Massó, hoxe en ruínas, e trabállase no punto para evitar que se propague a outras instalacións.
O fume que emana deste incendio é visible desde o centro de Cangas e desde Vigo, alén da ría.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
