SANTIAGO DE COMPOSTELA, 23 Feb. (EUROPA PRESS) -
O Goberno galego deu luz verde este xoves o decreto do plan de emerxencia exterior do depósito de lamas vermellas de Alcoa, en Xove (Lugo), que recibiu o informe favorable na Comisión Galega de Protección Civil, na súa última reunión do 31 de xaneiro.
"Aumentamos as medidas de seguridade", constatou o presidente galego, Alberto Núñez Feijóo, na rolda de prensa posterior ao Consello da Xunta, na que destacou que este plan é "coordinado e completo".
O obxectivo último, engadiu é dar unha resposta axeitada ante calquera posible continxencia e favorecer a coordinación entre a empresa, o concello e as autoridades autonómicas.
"A ruptura de balsas de lamas noutras zonas de Europa provocou unha maior intensidade á hora de establecer este plan de emerxencia exterior", admitiu o máximo mandatario autonómico.
Por outra banda, o Consello da Xunta aprobou o cambio de titularidad de dous tramos de estrada nos lugares de Pena da Meda e Cancelo, a favor do concello de San Sadurniño (A Coruña).
Andalucía
