SANTIAGO DE COMPOSTELA, 12 Oct. (EUROPA PRESS) -
O Festival de Cinema Fantástico da Coruña (FKM) ofrece este domingo unha 'masterclass' sobre o cinema distópico da Europa comunista impartida polo director e editor Lois E. Froiz.
A conferencia leva por título 'Golems, orfos, heroes e avoas: o cinema distópico da Europa Comunista' e terá lugar a partir das 17,00 horas na Fundación Luís Seoane da cidade herculina, segundo informa a organización do certame.
O director Lois E. Froiz profundará nun subxénero descoñecido para o gran público a través do repaso á cinematografía "demasiadas veces esquecida" de directores con "nomes impronunciables" como Juraj Jukabisko, Piotr Skulzin, Konstantin Lopushansky ou Andrezj Zulawski.
A xornada continuará coa proxección, a partir das 19,00 horas, de dúas películas de culto de cinema fantástico: 'Os novos bárbaros' de Enzo G. Castellari e 'Os invasores do Abismo' de Ruggero Deodato.
Ambas actividades son gratuítas e de entrada libre até completar aforamento.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
