PONTEVEDRA, 16 Jul. (EUROPA PRESS) -
A Consellería do Mar impón unha multa de 2.469 euros ao patrón maior de Portonovo, Martín Domínguez, por levar uns 115 quilos de polbo de máis no seu barco.
Segundo explican fontes deste departamento a Europa Press, a Dirección Territorial da Consellería en Vigo tramita este expediente de sanción que inclúe tamén a suspensión do permiso de explotación durante dous meses para faenar mediante arte de nasa de polbo.
Gardacostas de Galicia interceptou o pasado luns ao patrón maior de Portonovo con 116 quilos de polbo de máis na súa embarcación, que foi precintada. O excedente comisado foi entregado ao Banco de Alimentos de Pontevedra.
A Consellería do Mar aclara que "non se cumpre ningún dos supostos establecidos na normativa vixente para proceder á intervención administrativa" e ao cesamento do patrón maior, xa que a súa actuación "non afecta á situación económica da confraría".
Engade que "se trata dun acto realizado a título individual pola persona que ostenta o cargo de patrón maior, é dicir, é un acto realizado na súa condición de armador e non de patrón maior, e iso suporá, a título individual, a sanción ou multa que lle corresponda".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
