Adrián Irago - Europa Press
SANTIAGO DE COMPOSTELA, 19 Jun. (EUROPA PRESS) -
O xulgado de instrución de Vilagarcía de Arousa declarou prisión provisional, comunicada e sen fianza para cinco dos 12 detidos o martes no operativo antidroga desenvolvido en Cambados (Pontevedra) e onde faleceu un mozo de 31 anos por unha ferida de bala.
Segundo informaron fontes xudiciais, decretouse tamén liberdade provisional con comparecencias mensuais, retirada de pasaporte e prohibición de saír do territorio nacional para outro catro detidos.
Para os restantes, outro tres, declarouse liberdade provisional sen fianza e sen as medidas anteriormente mencionadas para o resto.
O operativo desenvolveuse este martes en Cambados, con rexistros en vivendas, naves e garaxes dos partidos xudiciais de Vilagarcía e de Cambados, así como nun domicilio da Comunidade de Madrid e outro de Vigo.
Ademais de con 12 detidos, a operación saldouse cun falecido, un mozo de 31 anos de idade após recibir un disparo supostamente efectuado por un axente da Policía Nacional.
Segundo fontes coñecedoras da operación consultadas por Europa Press, os feitos producíronse na zona de Corbillón, en Cambados, e o falecido era un dos investigados en relación co tráfico de drogas.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)