SANTIAGO DE COMPOSTELA 10 Mar. (EUROPA PRESS) -
A candidata á Secretaría Xeral do PSdeG, Elena Espinosa, asegurou na súa chegada ao XII Congreso dos socialistas galegos que afronta a súa pugna con Pachi Vázquez a liderar o partido "con moito optimismo, con moitas ganas e con moita responsabilidade".
"Espero que todos traballemos non pensando en cada un de nós, senón pensando no futuro de moitos galegos, un futuro que so lle pode dar os socialistas de Galicia", defendeu Espinosa nunhas concisas declaracións aos medios previas á apertura do XII Congreso do PSdeG.
Na súa entrada ao Pazo de Congresos de Santiago estivo arroupada, entre outros, polo alcalde de Ourense, Francisco Rodríguez, e o exdelegado do Goberno Antón Louro, aos cales se uniu o alcalde de Vigo, Abel Caballero.
Así, Espinosa remarcou que a súa candidatura defende "un partido aberto internamente e aberto cara á sociedade, que conecte de novo con cada un dos cidadáns e cidadás", no cal os seus "concelleiros, deputados e senadores" poidan "dar resposta a todas as súas inquedanzas".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
