VIGO 13 Jul. (EUROPA PRESS) -
O PSdeG lamentou este martes que o conselleiro de Presidencia e secretario xeral do PPdeG, Alfonso Rueda, ten "unha visión distinta" da Área Metropolitana e concíbea como "un espazo para poñer mocións de censura acompañadas de tránsfugas e corruptas".
Así o manifestou o deputado Abel Losada, en declaracións aos medios tras a inauguración dunhas obras de mellora na zona viguesa de Bouzas. Losada denuncia esa visión do PP sobre a área, e insta á Xunta a que "presente xa" o proxecto de lei para conformar esa figura supramunicipal.
A ese respecto, critica que o Goberno autonómico anuncia a tramitación da norma "para o período electoral", e insiste en que "non fan falta máis estudios".
Segundo apunta, "o problema é a falta de vontade política", e destaca que ao PSdeG "inicialmente" lle serve o proxecto de Área Metropolitana para 14 municipios, "aínda que posteriormente se engadan máis concellos".
Segundo Losada, "non hai razóns obxectivas para esperar", e pide á Xunta que explique "por que o que antes lles valía, en 2007, non lles serve agora".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
