SANTIAGO DE COMPOSTELA, 21 Nov. (EUROPA PRESS) -
Unha operación policial desenvolvida na madrugada deste venres na zona do Ensanche de Santiago de Compostela saldouse cun centenar de persoas identificadas, varias actas relacionadas cos estupefacientes e dous detidos por situación irregular en España.
En concreto, segundo confirmaron fontes policiais a Europa Press, leváronse a cabo de forma coordinada en dous establecementos de lecer nocturno da localidade, o pub Stilo e o TNT.
A primeira das intervencións tivo lugar ás 7,00 horas no pub TNT, situado na rúa Santiago de Chile do Ensanche compostelán e, posteriormente, os axentes trasladáronse á rúa Fernando III O Santo.
Alí, tal e como explicaron testemuñas oculares a Europa Press, media ducia de furgóns policiais, acompañados por varias patrullas da Policía Local, iniciaron un operativo sobre as 8,00 horas desta mañá no pub Stilo, onde os axentes permaneceron até pasadas as 9,15 horas.
Na intervención participaron unidades da UPR da Policía Nacional, unidades de Estranxeiría e tamén a Policía Local, que colaborou en asuntos administrativos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
