SANTIAGO DE COMPOSTELA, 7 Jul. (EUROPA PRESS) -
A Xunta aplicará na nómina do mes de xullo a subida do 0,5% nos salarios dos empregados públicos para compensar os efectos da inflación após a autorización do Goberno central.
Diso informou o presidente da Xunta, Alfonso Rueda, en rolda de prensa posterior ao Consello, cunha queixa pola demora de seis de meses do Goberno central a esta luz verde.
Os orzamentos galegos para o ano 2025 tiñan previsto este incremento, pero non podían ser efectivo ata que o habilitase o acordo do Consello de Ministros que finalmente se asinou o pasado martes.
Estas actualizacións aplicaranse con efectos de 1 de xaneiro de 2024 e suporán un pago adicional de 393 euros no salario dos empregados públicos autonómicos correspondente aos anos 2024 e 2025.
A medida terá un custo de 53 millóns de euros para as arcas autonómicas. "A situación económica e social xerada polos conflitos de Ucraína e Oriente Próximo e a consecuente crise enerxética motivou un aumento do custo de vida polo impacto da inflación, o que provocou a posta en marcha de medidas para tentar paliar os efectos no poder adquisitivo dos empregados e empregadas públicos", explica o Goberno galego.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
