SANTIAGO DE COMPOSTELA, 30 Sep. (EUROPA PRESS) -
A Xunta e o Goberno central celebran este martes unha comisión bilateral previa á conferencia sectorial de vivenda convocada para este xoves 2 de outubro.
Sinalouno a deputada do PPdeG María Deza durante o debate dunha iniciativa en comisión parlamentaria, coincidindo no tempo cunha visita da conselleira de Vivenda, María Martínez Allegue, ás obras dun edificio de vivendas protexidas na Coruña.
Alí, a responsable autonómica en materia de vivenda, que a semana pasada convocou unha rolda de prensa para expor as súas demandas e solicitou dita comisión bilateral, volveu a pedir ao Executivo central que teña en conta as propostas da comunidade para o novo plan estatal.
Pola súa banda, a parlamentaria do Partido Popular apuntou que a reunión se está celebrando esta mañá e desenvólvese "entre o director de vivenda do ministerio e o secretario xeral do IGVS", o instituto galego de vivenda e chan, "co obxectivo de avanzar nas propostas realizadas polo Goberno autonómico".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
