SANTIAGO DE COMPOSTELA, 19 Oct. (EUROPA PRESS) -
A Consellería do Medio Rural volverá abrir este mércores, desde as 00,00 de medianoite, o prazo para comunicar e solicitar permisos para realizar queimas de restos agrícolas e forestais, que se poderán acometer a partir deste venres, 22 de outubro.
A través dun comunicado, o departamento da Xunta que dirixe José González asegura que as autorizacións se volverán outorgar porque "as condicións meteorolóxicas así o permiten".
Por tanto, a partir da medianoite entre este martes e este mércores, os interesados poderán realizar as comunicacións e solicitudes de queimas a través da web de Medio Rural ou do teléfono 012, aínda que só para días laborables.
Os cidadáns que desexen queimar restos agrícolas amontoados, en zonas que determina a lei galega de prevención e defensa contra os incendios forestais, deberán comunicalo con dous días de antelación.
En caso de restos forestais, deberase solicitar unha autorización á Administración debido ao risco que comporta a actuación. De feito, ten un proceso de tramitación maior.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
