Política Territorial tratará cos veciños de O Eixo a situación xerada polas infraestructuras nesta parroquia de Santiago

Europa Press Galicia
Actualizado: lunes, 27 febrero 2006 18:48
Seguir en

SANTIAGO DE COMPOSTELA 27 Feb. (EUROPA PRESS) -

Responsables da Consellería de Política Territorial, Obras Públicas e Transportes reuniranse esta semana con representantes da Asociación de Veciños "Domingo Cepeda" de O Eixo, pertencente á parroquia compostelá de Santa Lucía, para analizar a situación desta zona na que conflúen diferentes infraestruturas viarias, tanto en servizo como en execución.

Actualmente, dende esta Consellería estanse a desenvolver as obras de construción da Autovía Santiago-Cacheiras que, ao seu paso por O Eixo, enlaza coa estrada N-525, Santiago-Ourense.

Segundo indicou o departamento autonómico, o obxectivo desta xuntanza, que aínda ten pendente de fixar o día e a hora, responde ao interese de Política Territorial por coñecer de primeira man a situación que están a xerar as inquedanzas veciñais.

Contenido patrocinado