SANTIAGO DE COMPOSTELA, 21 Dic. (EUROPA PRESS) -
Un total de 49 votos do PPdeG e do BNG deron luz verde á proposta de lei pola que se creará un catálogo priorizado de medicamentos na Comunidade galega. Os socialistas, que se abstiveron na votación do informe do relatorio na comisión parlamentaria anterior, decantáronse por o "non" a esta iniciativa lexislativa e manteñen as súas dúbidas sobre as "competencias" de Galicia para impulsar normativa, tal e como explicou o seu representante no debate, Modesto Pose.
No debate último desta proposición lexislativa, a iniciativa do Grupo Parlamentario do PPdeG, tomou a palabra, ademais, a conselleira de Sanidade, Pilar Farjas, quen proclamou que este martes Galicia deu "un paso firme para salvar" o futuro do sistema sanitario.
A voceiro nacionalista en materia de Sanidade, Ana Luísa Bouza, censurou os intentos que, ao seu xuízo, fixo a conselleira de "apropiarse" da iniciativa, que naceu na Cámara autonómica, e advertiulle, malia o ton cordial da súa intervención, de que o seu voto favorable "non é un cheque o branco". Así, facendo honra aos premios xornalísticos outorgados aos parlamentarios este martes, asegúrolle que o BNG será o "látego" do Goberno para que se cumpra esta normativa.
(HABERÁ AMPLIACIÓN)
