AVILÉS, 11 d'Abril (EUROPA PRESS)
Los buzos del 112 recuperaron esti llunes de la ría d'Avilés, pasaes les 11 de la mañana, el cuerpu sin vida de J. C. M., un axente de la Policía Nacional en segunda actividá qu'anueche fuera pescar a la redoma de la vieya rula. Too paez indicar que l'home, que diba en siya de ruedes por ciertes limitaciones físiques, cayó al agua.
Asina lo indicó'l so hermanu Francisco, al qu'a les 09.00 de la mañana recibía una llamada en que lu alertaba de qu'alcontraren la siya de ruedes del so hermanu. "Venía pescar solu y de nueche, y yá-y alvirtiéramos de que nun lo ficera", aseguró.
La voz d'alarma diola pasaes les ocho de la mañana Javier Gándara, que descubrió la siya ya indicó a los buzos del 112 onde podría tar el cuerpu, conocedor d'ónde se ponía pa pescar J. C. M.
El fináu tenía 63 años y taba divorciáu y tenia dos fíos. El so cadabre treslladólu la funeraria pasaes les 12.00 hores.
Axentes de la Policía Nacional, de la Policía Llocal y del serviciu d'emerxencies del Principáu d'Asturies participaron nel dispositivu de rescate.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
