Álvarez Cascos recuerda que'l PP nunca foi un partíu de 'barones' y que la representación ye de los compromisarios

Cuestiona que se fale en nome de toos ensin consultar y pide que l'alderique nun se faiga enterrando por aclamación l'análisis del resultáu

MADRID, 11 d'Abril (EUROPA PRESS)

L'ex secretariu xeneral del PP y ex-vicepresidente del Gobiernu Francisco Álvarez Cascos, fixó güei en declaraciones a Europa Press la so posición en rellación col alderique previu al congresu que se vive nel PP. Álvarez Cascos, que faló a "títulu personal" y "pensando nel interés" del partíu, pidió que la representación del PP la sigan teniendo los militantes y compromisarios, porque'l modelu d'un partíu de 'barones' nunca formó parte de la tradición del PP.

Álvarez Cascos resumió en tres puntos la so posición sobre l'actual alderique que se ta produciendo nel PP de cara al Congresu Nacional del próximu mes de xunu, esclariando que la so declaración se produz a títulu personal, pensando nel interés del PP y al marxe de posicionamientos personales.

En primer llugar, manifestó que "pa falar en nome de toos, hai qu'entrugar a caún". "Y a mí, como militante del PP, afiliáu en Madrid, naide m'engrugó nada nin dientro nin fuera de Madrid. El que fala en nome de toos va ser de toos menos d'Álvarez Cascos", argumentó.

LLAMAR DERROTES A LES DERROTES Y VICTORIES A LES VICTORIES.

En segundu llugar pidió a toos, a títulu personal, "que se caltenga'l nuesu modelu de partíu y tradición nel que la representación la sigan teniendo los militantes y compromisarios". Aañdió que "el modelu d'un partíu de barones nunca formó parte de la tradición del PP y sí del PSOE, que nos sos congresos votaben por delegación".

Finalmente, Álvarez Cascos plantegó a quien quiera tener en cuenta la so opinión personal, "que pa buscar lo meyor pal PP, l'alderique políticu mirando al futuru nun se faiga enterrando por aclamación l'análisis del balance y los resultaos del pasáu y del presente, entamando por llamar derrotes a les derrotes y victories a les victories".