Una antoloxía recueye obres nueves de música coral n'asturianu

UVIÉU 26 Jul. (EUROPA PRESS) -

La obra 'Antología Coral Asturiana - Músicas del XXI para el XXI', de Guillermo Martínez Vega y David Pérez Fernández, onde la llingua asturiana ta presente nel documentu como elementu central y creativu.

El llibru tien una edición llimitada en papel pa centros universitarios, conservatorios y biblioteques centrales; mentes que'l restu de la ciudadanía va poder acceder a él en formatu dixital y de manera gratuita al traviés de https://coralavilesina.com/antologia-coral-asturiana/

Col enfotu de impulsar la música coral asturiana, l'antoloxía tien obres de creación nueva de 17 compositores tanto nacionales como internacionales, amás de testos de dellos escritores que se funden cola música pa xenerar una obra cultural completa, reflexando les histories y lleendes de la rexón.

La musicóloga María Sanhuesa foi la encargada de redactar l'artículu d'entrada. El poema final y les traducciones cuerren al cargu d'Esther García. Nel interior del volume, amás, tán presentes dibuxos de Nazaret Bustu qu'arriquecen la esperiencia visual y complementen la narrativa. La portada ye de l'artista Cuadonga Valdés.

Pa estrenar esta antoloxía, el sábadu 17 d'agostu l'auditoriu de la Casa la Cultura d'Avilés va acoyer un conciertu al cargu de doce cantores cola dirección de David Pérez. Va ser a les 20.00 hores cola fórmula de taquilla inversa, polo qu'al acabar l'espectáculu'l públicu va decidir qué pagar.