UVIÉU 9 Feb. (EUROPA PRESS) -
El director xeneral d'Acción Cultural y Normalización Llingüística del Principáu, Antón García, mostróse esti vienres "mui contentu" de que Cultura recupere'l so rangu de conseyería depués de los últimos cambios anunciaos pol presidente, Adrián Barbón.
"Paezme una midida bien efectiva", dixo, yá que va dexar a la conseyera futura, la viceconseyera actual Vanessa Gutiérrez, participar nos Conseyos de Gobiernu y nes decisiones, y va facilitar tamién el trabayu alministrativu del departamentu.
Preguntáu polos periodistes sobre los últimos cambios nel Executivu autonómicu tres la presentación del ciclu de danza d'Uviéu, Antón García esplicó que na viceconseyería nun-yos avagó "facese a la idea" de que podríen ser conseyería de Derechos Sociales y Cultura, y considera que "la fórmula de tener una conseyería propia" paez-yos "perbién".
Sobre la organización de la Conseyería futura, García esplicó que tovía non s'avanzó na organigrama, pero'l puntu de partida son les trés direcciones xenerales, la d'Acción Cultural y Normalización, la de Patrimoniu y la de Deporte.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
